ប្រស្នា៤ខ - បទ ៖ មនតាក់ ១ ជាន់ - មហោរី | ព្រះនាងចំប៉ាថោង | ស៊ីន ស៊ីសាមុត និង រស់ សេរីសុទ្ធា

ចំណងជើង ៖ ប្រស្នាបួនខ បទ ៖ មនតាក់ ១ ជាន់ , ទម្រង់ ៖ មហោរី , ដកស្រង់ពីរឿង ៖ ព្រះនាងចំប៉ាថោង ( ជ័យជេត ) , ច្រៀងដោយ ៖ ស៊ីន ស៊ីសាមុត និង រស់ សេរីសុទ្ធា បងបានឃើញស្រីល្អ ស្អាតដូចកិន្នរពីសួគ៌ាអើយ កើតក្តីប្រតិព័ទ្ធឥតគណនា ចង់បានពុំងាមករួមប្រាណ ។ លោកតាខ្ញុំផ្តាំថា បើអ្នកឯណាដោះប្រស្នាបានអឺយ នោះទើបឱ្យខ្ញុំ ប្រគល់ប្រាណ ។ បងអាចដោះបាន សួរមកចុះអូនអើយ ។ សូមប្រុសបងចាំស្តាប់ ស្រីសួរប្រុសចំណាប់ ស្រស់ត្រាណត្រើយអឺយ ហែលទឹកដាំដូងបាន តើហៅសត្វអ្វី សូមប្រុសលកលៃ ឆ្លើយប្រាប់ផង ។ បងសូមឆ្លើយប្រាប់ពុំងា សត្វនោះគឺសត្វទាណានួនល្អងអឺយ ទាល់តែឈ្មោលដេញញីណាទងវង ទើបហែលដាំដូងផងណាអូនស្រី ។ ប្រុសបងឆ្លើយត្រូវហើយ តែកុំអាលអរឡើយណាចរណៃអឺយ ចុះផ្លែអ្វីទុំក្រហមស្វិតក្រៀមដ៏មានតម្លៃ សូមអ្នកស្រដីឱ្យឆាប់ការ ។ ផ្លែនោះហៅផ្លែទន្លាប់ រៀមសូមឆ្លើយប្រាប់កែវកនិដ្ឋាអឺយ ផ្លៃវាទុំក្រហមដូចថ្ពាល់ជីវា កំពុងពេញស្នេហាមករកខ្ញុំ ។ ដូច្នេះខ្ញុំសួរទៅទៀត សូមប្រុសអ្នកឆ្លៀតឆ្លើយឱ្យសមអឺយ ផ្លៃអ្វីដុះទងតែមួយឆ្លើយប្រាប់ខ្ញុំ ឆ្លើយប្រាប់ឱ្យសមកុំផ្តេសផ្តាស ។ ផ្លែនោះគឺផ្លែចេក ស្រីស្រស់ល្អឯកស្តាប់ឱ្យច្បាស់អឺយ អូនចូលចិត្តចេកឬបានប្រឹងសួរណាស់ បើចូលចិត្តប្រាប់ឱ្យច្បាស់ បងរកឱ្យស្រីបាន។ ចុះអ្វីទៅព្រាននារី ពាក្យនេះមកពីទីណាប្រុសប្រាណអឺយ សូមអ្នកលកលៃឆ្លើយឱ្យបាន បើអ្នកឆ្លើយមិនបានកុំរស់នាំធ្ងន់ផែនដី ។ ពាក្យថាព្រាននារី ពាក្យនេះមកពីនារីស្រីអឺយ ធ្វើឱ្យបងក្លាយខ្លួនជាព្រានណាថ្លៃ ចង់បាននារីស្រីជាគូស្នេហ៍ ៕

Category